Thursday, 19 September 2019

এতিয়াও ফোনত টাই আহোম লিপি ব্যৱহাৰ কৰিব পৰা নাই


TaiAhom.com
==এণ্ড্ৰ'ইড ৫,৬,৭,৮ আৰু টাই আহোম লিপি==
যিসকলে এতিয়াও ফোনত টাই আহোম লিপি ব্যৱহাৰ কৰিব পৰা নাই তেওঁলোকে এইখিনি কথা পঢ়ি চাব পাৰে।
আপোনাৰ ফোনটো যদিহে এণ্ড্ৰ'ইড ৯ নহয় তেন্তে আপুনি আহোম লিপি ব্যৱহাৰ কৰিব নোৱাৰে কাৰণ আখৰবোৰ দেখা পাবৰ বাবে প্ৰয়োজনীয় ফণ্ট বা আখৰৰ আৰ্হি আপোনাৰ ম'বাইলত নাই। সেইবাবে আপুনি প্ৰথম ফণ্টটো ইনষ্টল কৰিব লাগিব। পিছে এণ্ড্ৰ'ইডৰ অসুবিধা হ'ল যে ইয়াত পোনে পোনে ফণ্ট ইনষ্টল কৰিব পৰা নহয়। ফণ্ট ইনষ্টল কৰিবলৈ হ'লে আপুনি প্ৰথম ফোনটো ৰুটিং (অৰ্থাৎ gaining admin level access) কৰিব লাগিব।
কেনেকৈ ৰুটিং কৰিব :—
১) যদি আপোনাৰ এণ্ড্ৰ'ইড সংস্কৰণ ৫ তেন্তে KingoRoot নামৰ এপ এটাৰে আপুনি ৰুটিং কৰিব পাৰে।
২) এপেৰে ৰুটিং নহ'লে আপুনি কম্পিউটাৰৰ সহায়ত ৰুটিং কৰিব লাগিব। এই পদ্ধতিটো অলপ কাৰিকৰী। twrp নামৰ ৰিক'ভাৰী ছফ্টৱেৰ আপুনি কম্পিউটাৰৰ সহায়ত ম'বাইলত সংস্থাপন কৰিব লাগিব আৰু twrp ৰ সহায়ত মবাইলত SuperSu বা Magisk নামৰ এপ ইনষ্টল কৰিব লাগিব। পিছে ম'বাইলৰ ব্ৰেণ্ড আৰু মডেল অনুসৰি twrp ৰ ফাইলবোৰ বেলেগ বেলেগ হয়। সঠিক ফাইল নহ'লে সমস্যা হ'ব। পৰাপক্ষত নাজানিলে এইটো পদ্ধতি অৱলম্বন নকৰাই ভাল।
৩) এইটো এটা অভিনৱ আৰু নতুন পদ্ধতি। ইয়াৰ সহায়ত কম্পিউটাৰ নোহোৱাকৈ মাত্ৰ এটা ক্লিকতে আপুনি ৰুটিং কৰিব পাৰিব। তাৰবাবে আপোনাৰ ম'বাইলৰ RAM আৰু ROM(মানে খালি ঠাই) ন্যূনতম ২ জিবি আৰু এণ্ড্ৰ'ইডৰ সংস্কৰণ ন্যূনতম ৫.১ হোৱা উচিত। পৰাপক্ষত ৩ জিবি হ'লে ভাল। তাৰপাছত VMOS নামৰ এপটো https://play.google.com/store/apps/details?id=com.vmos.glb লিংকৰ পৰা নমাই ইনষ্টল কৰি লওক। এই এপটোৱে আপোনাৰ ম'বাইলত ইতিমধ্যে থকা এণ্ড্ৰ'ইডৰ ভিতৰত আন এটা এণ্ড্ৰ'ইড সংস্কৰণ ৫.১.১ সংস্থাপিত কৰে। মজাৰ কথা এয়ে যে নতুন এণ্ড্ৰ'ইডটোত আপুনি ইচ্ছামতে ফেইচবুক, ৱাটছএপ, প্লে-ষ্ট'ৰ আদি ইনষ্টল কৰিব পাৰিব। আৰু এইটো মাত্ৰ এটা ক্লিকতে ৰুটিং কৰিব পাৰি। এই vmos টো আপুনি ৰুটিং কৰি আহোম ফণ্টটো সংস্থাপিত কৰি ইয়াত ফেইচবুক, ৱাটছএপ চলালে কোনো অসুবিধা নোহোৱাকৈ টাই আহোম লিপি ব্যৱহাৰ কৰিব পাৰিব। মন কৰিব ইয়াত কিবা কৰিলেও মূল এণ্ড্ৰ'ইডৰ কোনো সালসলনি নহয়।
(ৰুটিং কৰাৰ পাছত আহোম ফণ্টটো কেনেকৈ সংস্থাপিত কৰিব লাগে তাৰবাবে Utpal Phukon সৈতে ইনবক্সত যোগাযোগ কৰিব।)
1 comment :

1 comment :