61st State Conference of All Assam Ahom Sabha , Dibrugarh

Tai Song - Hau Ti Ao Ni Nam || Nang Kashyapi Dowerah || Dibrugarh

𑜉𑜡 𑜎𑜡 𑜉𑜡 𑜎𑜡

 

 

𑜉𑜡 𑜎𑜡   𑜉𑜡 𑜎𑜡 

𑜋𑜈𑜫 𑜇𑜩𑜨   

𑜕𑜥 𑜎𑜆𑜫 𑜋𑜈𑜫 𑜌𑜈𑜫 𑜎𑜤𑜂𑜫

𑜉𑜡 𑜎𑜡 𑜉𑜡 𑜎𑜡    𑜆𑜡 𑜉𑜈𑜫 𑜄𑜂𑜫 𑜒𑜨𑜃𑜫 𑜎𑜡

𑜉𑜡 𑜎𑜡  𑜉𑜡 𑜎𑜡     𑜆𑜡 𑜏𑜈𑜫 𑜄𑜂𑜫 𑜒𑜨𑜃𑜫 𑜎𑜡 
 𑜑𑜧 𑜎𑜡 𑜑𑜪𑜤 𑜀𑜡 𑜏𑜨𑜃𑜫 𑜀𑜨𑜄𑜫

𑜑𑜧 𑜎𑜡 𑜑𑜪𑜤 𑜁𑜪𑜨 𑜏𑜢𑜂𑜫 𑜀𑜨𑜄𑜫

𑜏𑜥 𑜎𑜈𑜫 𑜋𑜄𑜫 𑜃𑜩

𑜎𑜢𑜤𑜃𑜫 𑜑𑜡 𑜎𑜢𑜤𑜃𑜫 𑜑𑜤𑜀𑜫 𑜏𑜂𑜫 𑜀𑜢𑜐𑜫 𑜄𑜣 𑜉𑜡

𑜎𑜢𑜤𑜃𑜫 𑜑𑜡 𑜎𑜢𑜤𑜃𑜫 𑜑𑜤𑜀𑜫 𑜏𑜂𑜫 𑜀𑜢𑜐𑜫 𑜄𑜣 𑜌𑜢𑜤𑜂𑜫

𑜉𑜡 𑜎𑜈𑜫 𑜃𑜦𑜧 𑜏𑜂𑜫 𑜀𑜢𑜐𑜫 𑜄𑜣 𑜉𑜡

𑜉𑜡 𑜎𑜈𑜫 𑜃𑜦𑜧 𑜏𑜂𑜫 𑜀𑜢𑜐𑜫 𑜄𑜣 𑜌𑜢𑜤𑜂𑜫

       𑜉𑜡 𑜎𑜡 𑜉𑜡 𑜎𑜡      𑜆𑜡 𑜉𑜈𑜫 𑜄𑜂𑜫 𑜒𑜨𑜃𑜫 𑜎𑜡 𑜽

𑜒𑜦𑜡 𑜑𑜢𑜤𑜈𑜫 𑜋𑜧𑜨 𑜀𑜈𑜫 𑜃𑜦𑜧 𑜁𑜡 𑜆𑜢𑜈𑜫 𑜏𑜥 𑜃𑜪

𑜒𑜦𑜡 𑜑𑜢𑜤𑜈𑜫 𑜋𑜧𑜨 𑜀𑜈𑜫 𑜃𑜦𑜧 𑜁𑜡 𑜎𑜢𑜃𑜫 𑜏𑜥 𑜃𑜪

𑜉𑜡 𑜎𑜈𑜫 𑜃𑜦𑜧 𑜏𑜂𑜫 𑜀𑜢𑜐𑜫 𑜄𑜣 𑜉𑜡 

𑜉𑜡 𑜎𑜈𑜫 𑜃𑜦𑜧 𑜏𑜂𑜫 𑜀𑜢𑜐𑜫 𑜄𑜣 𑜌𑜢𑜤𑜂𑜫

𑜉𑜡 𑜎𑜡 𑜉𑜡 𑜎𑜡     𑜆𑜡 𑜉𑜈𑜫   𑜄𑜂𑜫 𑜒𑜨𑜃𑜫 𑜎𑜡 



***************

𑜆𑜦𑜧  𑜒𑜨𑜂𑜫  𑜆𑜦𑜧 𑜒𑜨𑜂𑜫 

𑜉𑜦𑜡 𑜁𑜪𑜨 𑜊𑜦𑜡 𑜃𑜡 𑜃𑜂𑜫 𑜏𑜧

𑜋𑜈𑜫 𑜇𑜩𑜨 : 𑜊𑜥 𑜃𑜡 𑜍𑜪 𑜏𑜂𑜫 𑜈𑜤𑜃𑜫 𑜇𑜥 𑜀𑜨𑜃𑜫
𑜄𑜃𑜫 𑜏𑜢𑜂𑜫 : 𑜃𑜦𑜡 𑜈𑜢𑜤𑜃𑜫 𑜉𑜦𑜡 𑜑𑜨𑜃𑜫

𑜓𑜩𑜨 𑜊𑜂𑜫 𑜉𑜢𑜤𑜂𑜫 𑜄𑜪
𑜊𑜦𑜡 𑜃𑜡 𑜃𑜂𑜫 𑜏𑜧 𑜑𑜠𑜠
𑜇𑜥 𑜉𑜣 𑜆𑜢𑜃𑜫 𑜀𑜢𑜃𑜫 𑜉𑜢𑜤𑜂𑜫 𑜈𑜃𑜫 𑜀𑜩𑜨
𑜀𑜈𑜫 𑜆𑜀𑜫 𑜁𑜤𑜃𑜫 𑜀𑜦𑜡
𑜁𑜨𑜀𑜫 𑜎𑜢𑜀𑜫 𑜈𑜩 𑜀𑜪 𑜼𑜼
𑜃𑜂𑜫 𑜉𑜃𑜫, 𑜋𑜢𑜀𑜫 𑜈𑜡
𑜑𑜠 𑜉𑜣 𑜊𑜂𑜫 𑜼𑜼

𑜀𑜈𑜫 𑜆𑜀𑜫 𑜁𑜤𑜃𑜫 𑜀𑜦𑜡
𑜊𑜦𑜡 𑜃𑜡 𑜁𑜨𑜀𑜫 𑜈𑜩
𑜀𑜤𑜆𑜫 𑜎𑜢𑜤𑜂𑜫 𑜒𑜈𑜫 𑜍𑜢𑜀𑜫 𑜈𑜩
𑜀𑜈𑜫 𑜆𑜀𑜫 𑜁𑜤𑜃𑜫 𑜀𑜦𑜡
𑜊𑜦𑜡 𑜃𑜡 𑜁𑜨𑜀𑜫 𑜈𑜩
𑜈𑜈𑜫 𑜓𑜩 𑜇𑜥 𑜉𑜡 𑜋𑜪 𑜑𑜠 𑜑𑜆𑜫 𑜼𑜼

𑜉𑜢𑜤𑜂𑜫 𑜀𑜦𑜡 𑜆𑜢𑜤𑜃𑜫 𑜉𑜢𑜤𑜂𑜫 𑜁𑜪 𑜑𑜠
𑜁𑜈𑜫 𑜑𑜧 𑜉𑜢𑜤𑜂𑜫 𑜑𑜠
𑜁𑜢𑜃𑜫 𑜒𑜈𑜫 𑜎𑜢𑜀𑜫 𑜇𑜥 𑜉𑜡 𑜀𑜥
𑜏𑜪 𑜆𑜀𑜫 𑜒𑜈𑜫 𑜆𑜩𑜨 𑜎𑜢𑜀𑜫
𑜁𑜢𑜤𑜃𑜫 𑜉𑜡 𑜑𑜢𑜡 𑜎𑜦𑜧
𑜁𑜥 𑜇𑜥 𑜉𑜡 𑜆𑜢𑜀𑜫 𑜃𑜂𑜫 𑜑𑜠 𑜃𑜃𑜫 𑜇𑜥 𑜼𑜼

𑜉𑜦𑜡 𑜁𑜪𑜨 𑜇𑜃𑜫 𑜄𑜩 𑜉𑜢𑜤𑜂𑜫

 𑜉𑜦𑜡 𑜁𑜪𑜨 𑜇𑜃𑜫 𑜄𑜩 𑜉𑜢𑜤𑜂𑜫

  𑜋𑜈𑜫 𑜇𑜩𑜨 

𑜊𑜥 𑜃𑜡 𑜍𑜪 𑜏𑜂𑜫 𑜈𑜤𑜃𑜫 𑜇𑜥𑜀𑜨𑜃𑜫

𑜍𑜈𑜫 𑜊𑜢𑜃𑜫 𑜏𑜣 𑜑𑜣𑜡 𑜓𑜩 𑜃𑜣

𑜍𑜈𑜫 𑜊𑜢𑜃𑜫 𑜆𑜢𑜃𑜫 𑜒𑜈𑜫 𑜓𑜩 𑜃𑜣

𑜊𑜢𑜃𑜫 𑜏𑜣 𑜍𑜂𑜫 𑜍𑜩𑜨𑜍𑜈𑜫 𑜉𑜩 𑜐𑜪𑜩𑜨 𑜼𑜼

𑜂𑜈𑜫 𑜏𑜢𑜂𑜫 𑜈𑜨𑜂𑜫 𑜁𑜪

𑜇𑜣 𑜉𑜡 𑜀𑜃𑜫 𑜉𑜡 𑜀𑜃𑜫 𑜼𑜼

𑜂𑜈𑜫 𑜏𑜢𑜂𑜫 𑜈𑜨𑜂𑜫 𑜁𑜪 𑜋𑜪𑜤 𑜏𑜢𑜂𑜫 𑜇𑜣 𑜁𑜪

𑜇𑜞𑜡 𑜎𑜤𑜂𑜫 𑜏𑜢𑜂𑜫 𑜁𑜪 𑜋𑜈𑜫 𑜉𑜃𑜫 𑜋𑜈𑜫 𑜉𑜃𑜫

 𑜂𑜈𑜫 𑜏𑜢𑜂𑜫 𑜈𑜨𑜂𑜫 𑜁𑜪 𑜇𑜣 𑜉𑜡 𑜀𑜃𑜫 𑜉𑜡 𑜀𑜃𑜫𑜼𑜼 

𑜁𑜃𑜫 𑜇𑜨𑜡𑜡 𑜃𑜂𑜫 𑜑𑜃𑜫 𑜄𑜈𑜫 

 𑜒𑜨𑜆𑜫 𑜀𑜡 𑜍𑜪𑜨 𑜓𑜩 𑜎𑜦𑜧

𑜇𑜃𑜫 𑜄𑜩 𑜎𑜤𑜀𑜫 𑜀𑜤𑜃𑜫

𑜋𑜈𑜫 𑜃𑜢𑜤𑜈𑜫 𑜍𑜥 𑜋𑜈𑜫 𑜀𑜈𑜫 𑜑𑜠𑜠 𑜼𑜼

 𑜏𑜢𑜃𑜫  𑜊𑜢𑜃𑜫  𑜋𑜪𑜤 𑜀𑜃𑜫

𑜆𑜣 𑜀𑜩 𑜆𑜣 𑜃𑜨𑜂𑜫 𑜀𑜥 𑜉𑜢𑜤𑜂𑜫 𑜃𑜪 𑜼𑜼

𑜍𑜢𑜀𑜫 𑜏𑜢𑜂𑜫 𑜈𑜩𑜨 𑜇𑜞𑜡 𑜁𑜪𑜁𑜪

𑜂𑜈𑜫 𑜏𑜢𑜂𑜫 𑜈𑜨𑜂𑜫 𑜁𑜪 𑜇𑜣 𑜉𑜡 𑜀𑜃𑜫 𑜉𑜡 𑜀𑜃𑜫

𑜆𑜦𑜧 𑜒𑜨𑜂𑜫 𑜎𑜦𑜧

𑜆𑜦𑜧 𑜒𑜨𑜂𑜫 𑜎𑜦𑜧

𑜆𑜦𑜧 𑜒𑜨𑜂𑜫 𑜎𑜦𑜧